Qazaqstan Prezıdenti Qasym-Jomart Toqaev pen Tájikstan Prezıdenti Emomalı Rahmonov shaǵyn quramda kelissóz júrgizdi, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Emomalı Rahmonǵa iltıpat bildire otyryp, Tájikstan Qazaqstannyń senimdi strategııalyq seriktesi, sondaı-aq baýyrlas ári jaqyn memleket ekenin atap ótti.
«Bizdi ejelden ortaq tarıh, mádenı jáne rýhanı qundylyqtar tyǵyz baılanystyrady. Eki el arasyndaǵy dıplomatııalyq qarym-qatynastardyń 30 jyldyǵynda Odaqtastyq ózara is-qımyl týraly deklarasııaǵa qol qoıyp otyrmyz. Munyń sımvoldyq máni bar. Bul qujat óte mańyzdy ári bolashaqqa arnalǵan. Sondaı-aq bizdiń memleketterimizdiń ulttyq múddelerine tolyq saı keledi. Bul baǵytta aramyzda eshqandaı kúmándi másele joq. Qazaqstan men Tájikstan saýda-ekonomıkalyq yntymaqtastyqty belsendi damytyp keledi. Uzaq jyldardan beri Qazaqstan – Tájikstannyń ekinshi iri saýda seriktesi. Tek byltyrdyń ózinde ekijaqty saýda aınalymy 18,5 paıyzǵa artyp, 1,4 mıllıard dollarǵa jetti. Qazirgi jaǵdaıda bul – jaqsy nátıje. О́nerkásip, aýyl sharýashylyǵy, kólik jáne basqa da salalardaǵy birqatar ekonomıkalyq joba júzegee asyrylý satysynda tur. Sizdiń saparyńyz aıasynda ekonomıkanyń túrli sektoryndaǵy ózara is-áreketti odan ári keńeıtýge baǵyttalǵan jańa kelisimderdiń mańyzdy toptamasyna qol qoıylady», dedi Qazaqstan Prezıdenti.
«Keshe elderimiz arasyndaǵy yntymaqtastyqtyń perspektıvalaryna qatysty beıresmı ári ózara senimge negizdelgen jaǵdaıda pikir almastyq. Eń bastysy, saýda kólemin eki mıllıard dollarǵa deıin arttyrýǵa múmkindik bar. Biz bıznesmenderdiń 1,8 mıllıard dollar kólemindegi kelisimsharttarǵa qol qoıǵanyna kóńilimiz tolatynyn atap óttik. Bul – óte jaqsy nátıje. Eki el úkimetteri osy kelisimsharttardyń oryndalýyn muqııat qadaǵalap otyrýǵa tıis dep úmittenemin. Bizdiń berik ári uzaqmerzimdi qarym-qatynasymyzdyń myzǵymas negizi – tyǵyz mádenı-gýmanıtarlyq baılanystar. Byltyr Dýshanbede Qazaqstan kınosy kúnderi tabysty ótkizildi. Bıyl bizdiń elimizde Tájikstannyń mádenıet kúnderin ótkizý josparlanyp otyr. Biz osy sharaǵa muqııat daıyndalýymyz kerek», dedi Qazaqstan Prezıdenti.
Emomalı Rahmon Astanaǵa memlekettik saparmen kelýge shaqyrǵany jáne qazaq halqynyń dástúrli qonaqjaılyǵy úshin Qasym-Jomart Toqaevqa alǵys aıtty. Sondaı-aq ol shaǵyn quramdaǵy kelissózdiń nátıjeli bolǵanyn jáne birlesken jobalardy júzege asyrý mańyzdy ekenin atap ótti.
«Tájikstan men Qazaqstan –strategııalyq áriptester, bizdiń qarym-qatynastarymyz turaqty túrde damyp keledi. Biz ony odan ári nyǵaıtýǵa úlken mán beremiz. Qazaqstan búginde basty saýda seriktesterimizdiń arasynda ekinshi orynda. Byltyrǵy taýar aınalymynyń ósimi 20 paıyzdan asty. Biz basqa salalarda da qarqyndy dıalog júrgizemiz. Sizben elderimizdiń áleýmettik-ekonomıkalyq damý perspektıvalaryn, sondaı-aq halyqaralyq jáne óńirlik máselelerdi talqylaýǵa daıynmyn. Sizdi jáne barsha Qazaqstan halqyn Parlament saılaýynyń sátti ótýimen quttyqtaımyn. Sizge aldaǵy ýaqytta baýyrlas Qazaqstannyń damýyna baǵyttalǵan reformalardy júzege asyrýda tabys tileımin. Biz turaqty baılanystar men joǵary deńgeıdegi uzaqmerzimdi saıası dıalogtyń ıgi dástúrlerin saqtap, odan ári keńeıtemiz. Men dostyq qarym-qatynasymyzdy baǵalaımyn», dedi Tájikstan Prezıdenti.
Kelissóz barysynda qazaq-tájik yntymaqtastyǵyn odan ári damytý perspektıvalary talqylandy. Sondaı-aq saýda-ekonomıkalyq, sonyń ishinde ónerkásip, aýyl sharýashylyǵy jáne kólik salalaryndaǵy yntymaqtastyqty keńeıtýge erekshe nazar aýdaryldy.