Memleket basshysy Qasym-Jomart Toqaev erligi men janqııarlyǵy, eldiń ulttyq qaýipsizdigi men qorǵanys qabiletin qamtamasyz etýge, zańdylyq pen quqyq tártibin nyǵaıtýǵa qosqan úlesi úshin birqatar áskerı qyzmetshini marapattady, dep habarlaıdy Egemen.kz Aqordanyń baspasóz qyzmetine silteme jasap.
III dárejeli «Aıbyn» ordenimen:1. Babaqulov Qýanysh Isabekuly, Ulttyq qaýipsizdik komıteti Shekara qyzmeti Túrkistan oblysy boıynsha departamentiniń aǵa nusqaýshysy.
«Erligi úshin» medalimen:1. Lısbaev Baıseıit Jánibekuly, Qazaqstan Respýblıkasy Ulttyq ulanynyń 6654 áskerı bóliminiń vzvod komandıri;
2. Rahmatalıev Danııar Tilekbaıuly, Tótenshe jaǵdaılar mınıstrligi Batys Qazaqstan oblysy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti №1 mamandandyrylǵan órt sóndirý bóliminiń bólimshe komandıri.«Jaýyngerlik erligi úshin» medalimen:1. Aldabergenev Meıir Salqynbekuly, Qorǵanys mınıstrliginiń 19033 áskerı bólimi mınasyzdandyrý bólimshesiniń komandıri;
2. Ramazan Dáýren Qaıratuly, Memlekettik kúzet qyzmetiniń jedel ýákili.