Almaty qalasynda Medeýde tutanǵan otpen kúres kezinde órt sóndirýshi Arslan Qurmanbekov mert boldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Arslan Joldasbekuly Ile-Alataý memlekettik ulttyq tabıǵı parki aýmaǵyndaǵy taý bókterinde órt sóndirýge jumyldyrylǵan top quramynda bolǵan.
«Qyzmettik boryshyn atqarý kezinde, taý baýraıynda órtti sóndirý barysynda 1994 jyly týǵan Almaty qalasy TJD О́rt sóndirý jáne avarııalyq-qutqarý jumystary qyzmetiniń qyzmetkeri, 7-О́SB aǵa órt sóndirýshi-qutqarýshysy azamattyq qorǵaý serjanty Qurmanbekov Arslan Joldasbekuly qaza tapty.
Tótenshe jaǵdaılar mınıstrligi Arslan Joldasbekulynyń týystary men jaqyndaryna kóńil aıtady. Ol týraly jaqsy estelik, óz isiniń mamany retinde bizdiń júregimizde máńgi qalady.
Arslan jaýapty qyzmetker, kásibı kúresker jáne bilikti maman boldy. Jumysta ol eńbekqorlyǵy, ádildigi jáne mamandyqqa degen súıispenshiligi úshin baǵalandy. TJM qaza tapqan órt sóndirýshiniń otbasyna jan-jaqty kómek pen qoldaý kórsetedi», delingen resmı habarlamada.
Tótenshe jaǵdaılar mınıstrliginiń resmı ókili Rýslan Imanqulovtyń habarlaýynsha, órt sóndirýshi janyp jatqan aǵash dininiń qulaýy saldarynan qaıtys bolǵan.