Memleket basshysy Rjev túbindegi surapyl shaıqas kezinde qaza tapqan jáne iz-túzsiz joǵalǵan bozdaqtardyń rýhyna taǵzym etti, dep habarlaıdy Egemen.kz Aqordanyń baspasóz qyzmetine silteme jasap.
Baýyrlastar zıratynda qolynda avtomaty bar jaýyngerdiń músini ornatylǵan. Eskertkishtiń janyndaǵy tasta «1941-1945 jyldary nemis-fashıst basqynshylarynan Rjevti azat etý úshin bolǵan shaıqasta qaza tapqan 881-shi atqyshtar dıvızııasy men 331-shi zeńbirekti artıllerııalyq polktiń maıdandas jaýyngerlerine» dep jazylǵan.
Bul jerde 2 myńnan astam sarbaz jerlengen. Olardyń qatarynda Prezıdenttiń aǵasy – Qasym Boltaev ta bar.