Oblys aýmaǵyna Kaspıı teńizi akvatorııasyna deıingi 722 myń gektar jerdi qosý josparlanyp otyr, dep habarlaıdy Egemen.kz.
Ashyq NQA portalynda jarııalanǵan Úkimet qaýlysynyń jobasyna sáıkes, Mańǵystaý oblysynyń jer kólemin ulǵaıtý josparlanyp otyr.
Atap aıtqanda, Mańǵystaý oblysynyń shekarasy men Kaspıı teńizi akvatorııasynyń bastapqy syzyǵy arasyndaǵy jalpy aýdany 721940,2365 gektar jer oblys aýmaǵyna qosylmaq. Sáıkesinshe, Mańǵystaý oblysynyń shekarasy da ózgeredi.
Oblys ákimdigi ázirlegen túsindirme jazbaǵa sáıkes, mundaı tapsyrmany Úkimet basshysy týra bir jyl buryn Mańǵystaý oblysyna jasaǵan sapary barysynda bergen.
Qaýly jobasy 24 mamyrǵa deıin ashyq talqylaýda bolady.