«Qazgıdromet» RMK 16 mamyrǵa arnalǵan aýa raıy boljamyn jarııalady, dep habarlaıdy Egemen.kz.
Kásiporynnyń derekterine qaraǵanda, ońtústik sıklon jyrasynyń jáne onymen baılanysty atmosferalyq frontaldy bólimderdiń áserinen elimizdiń basym bóliginde kún raıy qubylmaly bolady. Jańbyr jaýyp, naızaǵaı oınaıdy, túnde elimizdiń ońtústik-batysynda qatty jańbyr jaýady. Qazaqstannyń ońtústik-batysynda, ońtústiginde, ortalyǵynda burshaq jaýýy múmkin. Respýblıkanyń soltústiginde, shyǵysynda, ońtústik-shyǵysynda soltústik-batys antısıklonynyń áserinen kún jaýyn-shashynsyz bolady. Respýblıka boıynsha jel kúsheıip, soltústikte, shyǵysta tuman túsedi, ońtústikte shańdy daýyl turady.
Túnde Mańǵystaý oblysynyń ońtústiginde, shyǵysynda qatty jańbyr jaýady.
Túnde Aqmola oblysynyń batysynda, shyǵysynda, Pavlodar, Qaraǵandy oblystarynyń soltústiginde, shyǵysynda, Abaı oblysynyń batysynda, Shyǵys Qazaqstan oblysynyń shyǵysynda 1-3 gradýs úsik, Soltústik Qazaqstan oblysynyń batysynda, Qostanaı oblysynyń soltústiginde topyraq betinde 2 gradýs úsik júredi.
Qyzylorda oblysynda, Túrkistan oblysynyń soltústiginde, ortalyǵynda, Aqtóbe, Ulytaý oblystarynyń ońtústiginde, Almaty oblysynyń soltústik-batysynda tótenshe órt qaýpi saqtalady.