Qasym-Jomart Toqaev QHR Tóraǵasymen júrgizgen kelissózde eki el arasyndaǵy saýda baılanysy odan ári artatynyn aıtty, dep habarlaıdy Egemen.kz Aqorda baspasóz qyzmetine silteme jasap.
«Búginde Qytaı – Qazaqstannyń negizgi saýda seriktesteriniń biri. О́tken jyldyń qorytyndysy boıynsha ózara saýda-sattyq kólemi 30 jyldyń ishindegi rekordtyq deńgeıge jetip, 31 mlrd dollardan asty. Mundaı qarqynmen biz jaqyn arada taýar aınalymy kórsetkishin 35 mlrd dollarǵa deıin jetkizý maqsatyna qol jetkize alamyz dep oılaımyn. Sondyqtan 2030 jylǵa qaraı 40 mlrd dollarlyq mejeni belgileýdi usynamyn. Osy maqsatqa jetý úshin biz ózara saýda nomenklatýrasyn keńeıte alar edik», dedi Prezıdent.