Prezıdent Qasym-Jomart Toqaev «Ortalyq Azııa – Qytaı» sammıtinde elektrondy saýda salasynda ózara alys-beristi arttyrý jóninde sóz qozǵady, dep habarlaıdy Egemen.kz Aqordanyń baspasóz qyzmetine silteme jasap.
«Elektrondy saýda salasynda ózara alys-beristi arttyrý úshin qosymsha múmkindik bar. Bul baǵytta Qytaıdyń kósh bastap turǵany sózsiz. Onlaın saýdany damytý asa mańyzdy. Buǵan jappaı shekteýler kezinde kózimiz anyq jetti», dedi Prezıdent.
Osy rette ol Qytaıdyń «Alibaba Group», «JD COM» sııaqty ınternet alpaýyttarynyń tájirıbesi men áleýetin atap ótti.
«Ortalyq Azııa elderiniń naryqtaǵy básekede óz artyqshylyqtary bar. Osy oraıda, Qazaqstan Qytaıdyń iri elektrondy saýda alańdaryn keńinen paıdalanýdy usynady. Bul qadam ónimderimizdi naryqqa birlese shyǵarý úshin asa mańyzdy. Keshe JD COM platformasynda Qazaqstannyń ulttyq pavılony ashyldy», dedi Memleket basshysy.