Qazaqstan – Qytaıdyń Shensı provınsııasynda óziniń dıplomatııalyq ókildigin ashyp otyrǵan Ortalyq Azııadaǵy jalǵyz el, dep habarlaıdy Egemen.kz Aqorda baspasóz qyzmetine silteme jasap.
Bas konsýldyqtyń ashylý rásimine QHR Memlekettik keńesiniń múshesi, Syrtqy ister mınıstri Sın Gan qatysyp, Qytaı úkimetiniń quttyqtaýyn jetkizdi.
Qytaılyq dıplomattyń aıtýynsha, Sıan qalasynda Qazaqstannyń Bas konsýldyǵynyń ashylýy eki eldiń jan-jaqty strategııalyq yntymaqtastyǵy jańa deńgeıge kóterilgenin bildiredi.