«Kazgıdromet» RMK sınoptıkteri 20-22 mamyrǵa arnalǵan aýa raıy boljamyn usyndy, dep habarlaıdy Egemen.kz.
Qazaqstannyń basym bóliginiń aýa raıyn Ońtústik sıklon jáne onymen baılanysty atmosferalyq frontaldy bólimder aıqyndaıdy: jańbyr, naızaǵaı, ońtústik óńirlerde burshaq saqtalady.
20 mamyrda batysta, soltústik-batysta, ortalyqta jáne ońtústikte, 20-22 mamyrda elimizdiń ońtústik-shyǵysynda qatty jańbyr boljanyp otyr. Sondaı-aq respýblıka boıynsha jeldiń kúsheıýi kútilýde, respýblıkanyń ońtústiginde daýyl boljanady.
Qazaqstan boıynsha temperatýralyq fonnyń joǵarylaýy kútiledi. Túngi ýaqyttarda soltústik-batys jáne soltústikte topyraq betinde 2 gradýsqa deıin úsik júredi.