Astanadaǵy №2 qalalyq kópsalaly aýrýhanada birden birneshe bólim ashyldy. Olardyń bári de emdelýshilerge ınnovasııalyq baǵytpen sapaly qyzmet kórsetýge arnalǵan.
Áýeli aýrýhananyń kireberisinde jańa front-keńse ashyldy. Munda elorda turǵyndary ózine qajetti suraqtaryna jaýap alyp, mamandardan keńes ala alady.
– Memleket basshysynyń aıtyp júrgen tujyrymdamasyna sáıkes «Estıtin memleket» qaǵıdaty boıynsha kelýshilerge qolaıly bolsyn dep biz front-keńseni kireberiske ornalastyrdyq. О́ıtkeni kóp mekemelerde bul qyzmettiń adamdary 2-3-qabatta otyrady, ony tabý qarapaıym jurtshylyqqa qıyn, – dedi Medısınalyq jáne farmasevtıkalyq baqylaý departamentiniń basshysy Darhan Turlybekov.
Sonymen qatar atalǵan aýrýhanda farmasııa bólimi ashyldy. Onyń ereksheligi barlyq preparat ortaq júıege sıfrlandyrylǵan. Nátıjesinde, turǵyndarǵa jedel ári sapaly qyzmet kórsetilmek.
«OGF» kompanııasy aqparattyq júıesiniń dırektory Juldyz Daqymbaevanyń aıtýynsha, sıfrlandyrylǵan preparattardyń ortalyq júıesi – biregeı joba. О́ıtkeni mundaı joba áli birde-bir kópsalaly aýrýhanada ashylǵan joq. Astanada profıldi emdeý mekemelerinde ǵana bar.
– Bul úrdis jahannyń biraz jurtynda burynnan qoldanylyp keledi. Jáne bul halyqaralyq talaptardyń biri bolyp sanalady. Jobany iske asyrýdyń synaq kezeńinde kóptegen oń nátıje berdi. Birinshiden, dárilerdi paıdalanýdy ońtaılandyrý jáne shyǵyndardy azaıtý, sondaı-aq dárilik zattardy paıdalanýdy baqylaý esebinen bıýdjet qarajatyn únemdeý sııaqty ózgerister baıqalmaq, ekinshiden, qate qaýpi barynsha azaıtylady. О́ıtkeni jasy, salmaǵy, qarsy kórsetilimderi, táýliktik dozasy jáne t.b. sııaqty kórsetkishter boıynsha árbir emdelýshige arnalǵan resept baqylaýda bolady, – deıdi J.Daqymbaeva.
Onyń aıtýynsha, sıfrlandyrylǵan preparattardyń ortalyq júıesi dárigerlerdiń nusqaýy boıynsha emdeý jumysy ýaqtyly jáne sapaly daıyndaýǵa zor septigin tıgizedi.
– Biz 2011 jyldan bastap jumys istep kelemiz. Qazir elimizde 160-tan asa medısınalyq mekemege qyzmet kórsetemiz. Bul júıeniń tıimdiligi óte mol. Onyń paıdasyn bizdiń el áli túsine qoıǵan joq. Bul eń birinshi dári jetispeýshilikti joıady. Mysaly, bir bólimde analgınniń 100 danasy jatady, al ol bir bólimde joq bolýy múmkin. Mine, osynyń bári bir ortalyqta bolady. Máselen, dál osy aýrýhanada 1 mınýtta 8 naýqasqa em-shara jasalady eken. Onyń úsheýi aýyr jaǵdaıda keledi. Mine, osyndaı kezde dári-dármek daıyndaýǵa ýaqyt únemdeledi, – deıdi ol.
Mamannyń aıtýynsha, bul jobany júzege asyrýda emhanada jumys isteıtin preparattardyń ortalyqtandyrylǵan aqparattyq júıesiniń daıyndyǵy mańyzdy ról atqarǵan. Aldyn ala esepteýler boıynsha, №2 qalalyq kópsalaly aýrýhanadaǵy preparattardyń ortalyqtandyrylǵan aqparattyq júıesi jylyna 400 mln teńgege deıin bıýdjetti únemdeýge múmkindik beredi.
– Basty maqsat – emdelýshilerge preparattardy jetkizý júıesin sıfrlandyrý, dárilik zattardyń derbestendirilgen esebin júrgizý. Munda beriletin dári-dármekterdiń sany avtomatty túrde baqylanady. Bul bólimsheniń biregeıligi – medısınalyq dári-dármekterge jumsalatyn shyǵyndardy únemdeý. Sonymen qatar qate emdeý qaýpi azaıady, – deıdi Astana qalasy Densaýlyq saqtaý basqarmasynyń basshysy Tımýr Muratov.
Aýrýhanada modeldi damytý maqsatynda emdelýshilerdi qoldaý qyzmeti boıynsha elektrondyq kezek engiziledi. Jıynda naýqastardy josparly emdeýge jatqyzý algorıtmi pysyqtaldy. Jaqyn arada barlyq nıet bildirýshiler onlaın rejimde bos tósek-oryndardyń sanyn kóre alady, onyń barlyǵy aýrýhananyń saıtynda da qoljetimdi bolmaq.
– Jobanyń negizgi mindeti – dárigerlerdiń taǵaıyndaýy boıynsha dárilik zattardy ýaqtyly jáne sapaly daıyndaý, sondaı-aq olardy medısınalyq uıymnyń klınıkalyq jáne para-klınıkalyq bólimshelerine jetkizý. Klınıkalyq farmakolog ár pasıentke jas, salmaq, qarsy kórsetilimder, táýliktik doza jáne t.b. ólshemderi boıynsha taǵaıyndaıdy. Bul jobany iske asyrý kezinde bizdiń klınıkada jumys isteıtin sıfrlandyrylǵan gospıtaldyq farmasııa aqparattyq júıesiniń daıyndyǵy mańyzdy ról atqardy, – dedi №2 kópsalaly aýrýhanasynyń bas dárigeri Nurbol Tursynbaev.
Bas dárigerdiń aıtýynsha, aýrýhananyń janynan balalarǵa arnalǵan jańa travmatologııalyq pýnkt ashý josparlanǵan.
– Qala boıynsha bizde mundaı 9 aýrýhana bar. 3 eresekter men 3 balalarǵa arnalǵan kópsalaly aýrýhanalardyń barlyǵynda mundaı sıfrlandyrylǵan preparattardyń ortalyq júıesin engizýdi josparlap otyrmyz, – dedi Astana qalasy Densaýlyq saqtaý basqarmasynyń basshysy.
Sondaı-aq aýrýhanada jańa bólimge arnalǵan ǵımarattyń qurylysy bastalatyny aıtyldy. Ol akýsherlik jáne klınıkalyq blogtardy biriktiretin qabyldaý haby bolmaq.