Úzdik ákimge avtokólik syılaıdy

Qaztalov aýdanynyń ákimi Asy­lanbek Sarqulov qol qoıǵan arnaıy ókim bo­ıynsha aýyl ákimderiniń jyl boıǵy jumysy 35 túrli baǵyt boıynsha baǵalanbaq. Onyń ishinde aýylda jumyssyzdar sanyn azaıtý, jańadan jumys oryndaryn ashý, jumyssyzdardy kásiptik oqýǵa jiberý, grant alýshylar sanyn arttyrý, jergilikti jerge ınvestısııa tartý, aýyl­ sharýashylyǵy jerlerin durys maq­satta paıdalaný, «Aýyl amanaty» joba­synyń júzege asyrylýy, ujymdyq baý-baqsha egý jumystary, okrýgtiń sa­lyq­tyq túsimin ulǵaıtý sekildi baǵyttar bar.

– Bul baıqaý aýyldyq okrýg ákimderin jumysqa yntalandyrady, olardyń tike­leı laýazymdyq mindetterin atqa­rýyn turǵyndar da qadaǵalap otyrady. Osy baǵalaý qorytyndysy boıynsha úzdik dep tanylǵan aýyldarǵa bıýdjetten qosym­­sha qarjy beriledi. Sondyqtan óz aýy­lynyń jaǵdaıyna nemquraıdy qara­­maı­­tyn ár turǵyn memlekettik baǵa­dar­­la­­malardyń júzege asýyna úles qosady dep senemiz,  – deıdi Asylanbek Sarqulov.

Okrýg ákimderin baǵalaýdyń maq­saty – aýylda ómir súrý sapasyn jaqsartý, halyqtyń ál-aýqatyn arttyrý ekendigi túsinikti. Qazir bul baıqaý halyq arasynda qyzý talqylanyp jatyr. Joǵaryda aıtylǵandaı, baıqaý nátıjesi óz qyzmetin minsiz atqarǵan ákimge ǵana emes, uıymshyl, bir jeńnen qol, bir jaǵadan bas shyǵarǵan aýyl turǵyndaryna da baılanysty bolmaq. Eń kóp upaı jınaǵan alǵashqy úsh aýyldyq okrýgke aýdan bıýdjetinen qosymsha qarajat bólinip, birinshi orynǵa – avtokólik, ekinshi orynǵa – 10 mln teńge, úshinshi orynǵa – 5 mln teńge beriledi. Bul qarajatty qandaı qajet­tilikke jumsaý máselesin aýyl turǵyn­dary ózderi kelisip sheshetin bolady.

Baıqaý qorytyndysy 2023 jyldyń sońynda jarııalanbaq. Jeńimpazdy aýdan­dyq máslıhat depýtattary, qoǵam­dyq keńes jáne ardagerler uıymy múshe­leri kiretin qazylar alqasy anyqtaıtyn bolady.

Aıta keteıik, Qaztalov aýdanynda 16 aýyldyq okrýg bar, soltústiginde Reseı Federasııasynyń Saratov oblysymen shektesedi. Halqynyń 99 paıyzy – qazaqtar.

Batys Qazaqstan oblysy