Bári de turǵyndar ıgiligi úshin

Atyraý qalalyq turǵyn úı-kommýnaldyq sharýashylyǵy jáne avtokólik joldary bóli­miniń basshysy Álibek Muhan­betalıevtiń málimetinshe, shahar­daǵy joldyń jaqsy jáne qana­ǵat­tanarlyq jaǵdaıyn 90%-ǵa jetkizý josparlanyp otyr. Osy­ǵan baılanysty joldy qaı­ta jańǵyrtý men salý úshin res­pýblıkalyq, jergilikti bıýdjetten 9,7 mlrd teńge bólingen.

«Munaıly shahardaǵy S.Datov, Azattyq kósheleriniń, Atyraý-Inder, Atyraý-Damby, Atyraý-Astrahan baǵytyna shy­ǵatyn kúre joldardyń sha­har aýmaǵyndaǵy bóligi qaıta jań­ǵyr­tylady. Bul úshin 4,2 mlrd teńge qarajat qarastyrylǵan. Al Erkinqala, Erkinqala-2, Rakýsh, Almaly, Tomarly aýyl­dary men «Balaýsa» shaǵyn aýda­nyn­da, sondaı-aq Beıbarys dań­ǵy­lynan Atyraý-Astrahan ba­ǵy­tyndaǵy avtokólik jolyna de­ıingi aralyǵyna jol salynady. Oǵan 4,6 mlrd teńge bóli­nip otyr. Jaıaý júrginshilerge arnal­ǵan joldy salý úshin 892 mln teńge jumsalady. Sha­har mańyndaǵy Atyraý, Dam­by, Aqsaı, Qaıyrshaqty, Erkin­qala aýyldarynda, Atyraý qala­synda, Geolog, Jumysker eldi meken­derinde jaıaý júrginshi jolyn salý kózdeldi», deıdi Á.Muhanbetalıev.

Onyń aıtýynsha, M.Áýezov kóshesi men Zaroslyı eldi me­ke­nindegi jobalarǵa túzetýler engi­zilip jatyr. Al Atyraý-Erkin­qala avtokólik joly, Ábil­ha­ıyr han dańǵylynan Jastar kóshesine deıingi jol aralyǵy qaıta jańǵyrtýdan ótedi. Ábil­haıyr han men Beı­ba­rys dań­ǵylyn bir-birimen qosa­tyn avto­kólik jolynyń jo­ba­sy ashyq elektrondy kon­kýrs­qa berilgen.

Qalalyq turǵyn úı-kom­mý­naldyq sharýashylyǵy, jolaýshylar kóligi jáne avtomobıl joldary bólim basshysynyń orynbasary Baqtııar Hamıdýl­laevtyń aıtýynsha, byltyr páter ıeleri kooperatıvteri men turǵyndardyń usynysyna sáı­kes «100 aýlany abattandyrý» jobasy ázirlengen. Bul jobany iske asyrý maqsatyn­da jergilikti bıýdjetten 1 mlrd 37 mln teńge bólinipti. Atalǵan jobany «Atyraý kólik» JShS, «Rıgolıt» JSSh, «Sheberbuid» JShS iske asyrady. Qazir sha­har­dyń ortalyq kóshelerinde, «Ba­lyqshy», «Avangard», «Les­hoz» jáne «Almagúl» shaǵyn aýdan­­daryndaǵy aýlalardy jań­ǵyr­tý jumysy atqarylyp jatyr.

«Bıyl aýylishilik jáne jaıaý júrginshiler joly, balalar oıyn alańdary men sporttyq jat­tyǵý, dop oınaý alańdary ja­ńartylady. Bul jumystar aldaǵy qazan aıyna deıin aıaq­talyp, qoldanysqa beriledi. At­qa­rylyp jatqan jumystar qa­tań baqylaýǵa alyndy. Jyl so­ńyna deıin taǵy da 150 aýlany abat­tandyrý jóninde jańa joba ázirlenedi. Keler jyly qaladaǵy aýlalar men aýylishilik joldar 100% jańartylady», dep málim etti B.Hamıdýllaev.

Ákimdiktiń baspasóz qyzmeti usynǵan aqparatqa qaraǵanda, ınfraqurylymdy jańǵyrtatyn osyndaı jobalardyń qatarynda jazǵy sý qubyryn júrgizý de bar. Mundaı jumys osy kezge deıin atqarylǵan. Máselen, byltyr Damby eldi mekenindegi 3 kóshege, Tasqala-1 aýylynda orta mektep, balabaqsha men ortalyq kóshege 1 shaqyrym sý qubyry júrgizilgen. Sondaı-aq Almaly aýylynda 3,5 shaqyrymdyq ortalyq kóshe men mekemelerdegi temir qubyrlar plastık túrine aýystyrylyp, sý soratyn sorǵy ornatylǵan. Erkinqala aýylyna 2 600 metr jazǵy sý júıesi júrgizilip, Jaıyq jaǵasyna sý sorǵy stansa iske qosylǵan.

Endi bıyl Damby aýylyn­daǵy 10 kóshege, Amangeldi eldi mekeninde 4 kóshe men 7 áleýmet­tik nysanǵa uzyndyǵy 9 950 metrdi quraıtyn qubyrlar tartý úshin qarajat bólindi. Dál osyndaı jumys Almaly aýylynda qaıta jalǵasady. Aýyldy tolyq qamtý úshin 19,4 shaqyrymǵa, Bereke eldi mekenindegi 3,5 shaqyrymdy quraıtyn ortalyq kóshelerge jazǵy sý qubyryn júrgizý úshin qarajat bólindi.

«Qyzylbalyq aýylynda 4 myń metr jazǵy sý qubyry júr­gizildi. Sonyń nátıjesinde jańa saıabaq, mektep pen qosymsha 4 kó­she sý qubyrymen qamtyldy. Jal­py, aýylǵa 11 myń metr plas­tıkalyq qubyr salyndy. So­ny­men qatar Qurmanǵazy aýylyn­da 1 100 metr magıstraldyq jáne 700 metr plastıkalyq qu­byr júrgizilip, sý sorǵy stansa orna­tyldy. Qazir bul aýylda trans­formator ornatý jumysy júrgizilip jatyr», dep habarlady ákimdiktiń baspasóz qyzmeti.

Sondaı-aq Rakýsha eldi mekeni men «Balaýsa» shaǵyn aýdanyna 9 090 metr jazǵy sý qubyry jelisin tartý bastalǵan. Osy kezge deıin 5 shaqyrymǵa jýyq qu­byr tartylǵan. Tomarly aýylyn­daǵy mektep, mádenıet úıi men ortalyq kóshelerge 5 shaqyrym, Talǵaırań aýylynda 2 shaqy­rym, Besikti aýylyndaǵy mektep pen balabaqshaǵa 2 shaqyrym, «Kók­tem» shaǵyn aýdanyndaǵy bilim ordasy men bóbekjaıǵa 2 sha­qyrym sý qubyry júrgizi­lip jatyr. Naýryz aıynan beri «О́rleý» shaǵyn aýdanyndaǵy 21 shaqyrymdy quraıtyn 10, «Qaı­nar shaǵyn aýdanynyń 7 kó­she­sine jazǵy sý jelisi tarty­lyp jatyr. Aqsaı, Aqjar aýyldaryna 5 shaqyrymdyq jazǵy sý júıesin júrgizý úshin tenderlik konkýrs jarııalandy. «Juldyz» jáne «Kóktem» shaǵyn aýdanda­ryna jazǵy sý qubyryn tartý maqsatynda arnaıy joba ja­saqtaý qolǵa alynyp otyr.

Atyraý oblysy