Búgin tanymal ánshi Dımash Qudaıbergenniń týǵan kúni. Ánshi týǵan kúnine oraı tyńdarmandaryna syı jasap, «О́mir» atty jańa klıpin jaryqqa shyǵarǵaly jatyr. Bul jańalyqpen Dımash óziniń Instagram paraqshasynda jazdy, dep habarlaıdy Egemen.kz.
Tyńdarmandary ánshini álemniń ár qıyrynan quttyqtap, ystyq lebizderin bildirip jatyr.
Dinmuhammed (Dımash) Qudaıbergen Qanatuly 1994 jyly 24 mamyrda Aqtóbe qalasynda dúnıege kelgen. Ata-anasy Qanat Qudaıbergenuly men Svetlana Aıtbaeva Qazaqstan Respýblıkasynyń mádenıet qaıratkerleri.
Dımash bala kezden túrli án baıqaýlaryna qatysyp, júldeli oryndarǵa ıe bolǵan. Vıtebskte ótken «Slavıan bazary-2015» halyqaralyq án baıqaýy jas ánshiniń baǵyn ashty. Otandasymyz konkýrsta bas júlde ıelendi.
Osydan keıin jas oryndaýshy bir jyldaı Qytaıdyń «Men ánshimin» jobasyna qatysyp, talantymen kúlli álemdi tańǵaldyrǵan edi.