Shymkentte eki jasóspirim bala sýǵa batqan 6 jasar balany aman alyp qaldy. Oqıǵa 10 mamyr kúni bolǵan, dep habarlaıdy Egemen.kz.
Shymkent qalasynyń Tótenshe jaǵdaılar departamentiniń aqparatyna sáıkes, oqıǵa Badam ózeninde bolǵan.
Mektep oqýshylary Erdáýlet pen Ramazan sýǵa túsýge kelip, sý batyp bara jatqan balany kóredi. Kóp oılanbastan kómekke umtylǵan Ramazan Amangeldıev pen Erdáýlet Shyńǵyshan kishkentaı balany jaǵaǵa shyǵaryp, alǵashqy medısınalyq kómek kórsetken.
«Úzdiksiz jasalǵan jasandy tynys áreketteri óz nátıjesin berdi. Tunshyǵyp qalǵan balanyń ókpesindegi sýy ketip, birte-birte tynys ala bastaǵan», delingen departament taratqan habarlamada.
Aıta ketsek, qaharman jigitter №128 qalalyq mektepte oqıdy. Erdáýlet Shyńǵyshan 8 synyp, al onyń dosy Ramazan Amangeldıev 9 synyp oqýshysy.