Búgin tanymal qazaqstandyq ánshi Dımash Qudaıbergenniń jańa áni Japonııanyń radıolarynda shyrqalady, dep habarlaıdy Egemen.kz Dımash Qudaıbergenniń resmı saıtyna silteme jasap.
Jazdyń birinshi kúni japon radıosynyń tolqynynda More Music baǵdarlamasynyń World Music Scene bóliminde qazaq estradasynyń juldyzy Dımash Qudaıbergenniń «О́mir» áni tyńdarmanǵa usynyldy.
Dımashtyń paraqshasynda jazylǵandaı, japondyq radıobaǵdarlamanyń júrgizýshisi Kato Kadzýjı qazaqstandyq ónerpazdyń jańa kompozısııasyn estip, óz áserimen bólisken.
«Osy ándi tyńdaı otyryp, Dımashtyń alǵa, tek alǵa umtylatyn kúshti erik-jigerin sezinemin. «О́mir» ánin bir ret tyńdaǵan soń, qaıta-qaıta tyńdaǵyń keletini sózsiz!», deıdi júrgizýshi.
Aıta keteıik, japon dıdjeıleri sondaı-aq Erke Esmahannyń «Batyr Mánshúk», HammAli & Navai, Jah Khalib «Boje, kak zavıdýıý» ánderin efırge shyǵarady.