Sınoptıkter 7 maýsymǵa arnalǵan aýa raıy boljamyn usyndy. «Qazgıdromet» RMK boljamyna sáıkes, el aýmaǵynda qatty jańbyr jaýyp, naızaǵaı oınaıdy, keı óńirlerde burshaq jaýyp, shańdy daýyl turady. Respýblıkanyń birqatar óńirinde aptap ystyq jáne tótenshe órt qaýpi saqtalady, dep habarlaıdy Egemen.kz.
Atap aıtqanda, Qazaqstannyń basym bóliginde turaqsyz aýa raıy boljanyp otyr, soǵan baılanysty naızaǵaımen ótkinshi jańbyr, elimizdiń soltústik-batysynda qatty jańbyr jaýady.
«Tek eldiń batysynda, ońtústiginde, shyǵysynda jaýyn-shashynsyz aýa raıy saqtalady. Respýblıka boıynsha jel kúsheıedi, ońtústik-batysta, soltústik-batysta burshaq, batysta shańdy daýyl kútiledi», delingen habarlamada.
Sondaı-aq Aqmola, Túrkistan, Soltústik Qazaqstan, Pavlodar, Qaraǵandy, Ulytaý, Shyǵys Qazaqstan, Abaı, Qyzylorda, Jambyl oblystarynda, Aqtóbe oblysynyń ońtústiginde, shyǵysynda, Qostanaı oblysynyń ońtústik-shyǵysynda, Almaty jáne Jetisý oblystarynda qatty ystyq boljanady.
Qyzylorda, Mańǵystaý, Jambyl, Aqmola, Soltústik Qazaqstan, Pavlodar, Qostanaı, Qaraǵandy, Ulytaý oblystarynda, Atyraý oblysynyń soltústigi men shyǵysynda, Abaı, Shyǵys Qazaqstan oblystarynyń soltústik-batysynda, Aqtóbe oblysynyń batysynda, ońtústik-shyǵysynda, Almaty jáne Jetisý oblystarynyń soltústiginde tótenshe órt qaýpi saqtalady.