Memleket basshysy Qasym-Jomart Toqaev Astana halyqaralyq forýmyndaǵy sózin qorytyndylaı kele, forým seriktestikke bastaıtynyna senim bildirip, qatysýshylarǵa sáttilik tiledi, dep habarlaıdy Egemen.kz Aqordanyń baspasóz qyzmetine silteme jasap.
«Men optımıstik kózqaraspen aldaǵy eki kúnde ótetin konstrýktıvti talqylaý bizdi ońtaıly sheshim qabyldaýǵa jáne aldaǵy ýaqytta áriptestikke baǵyttaıtynyna senim bildiremin», dedi Memleket basshysy.
Sóz sońynda ol mazmundy áńgime men seriktestikke jol ashý úshin ashyqtyq, shydamdylyq jáne birlik aýadaı qajet ekenin eske saldy.
«Men osy forýmǵa jáne árqaısyńyzǵa sáttilik tileımin. Barshańyzǵa búgin bizdiń qatarymyzǵa qosylǵandaryńyz úshin taǵy da alǵys aıtamyn. Talqylaýlar sizder úshin tabysty bolýyna tilektestik bildiremin», dedi Qasym-Jomart Toqaev.