Búgin – Denıs Tenniń týǵan kúni

Qyrshynnan qıylǵan ǵumyr týraly «Egemen Qazaqstan» gazetiniń tilshisi Ǵalym Súleımen «Muz aıdynynyń muzbalaǵy» maqalasynda jazǵan.

Denıs 1993 jyldyń 13 maý­symynda Almaty qalasynda dúnıege keldi. Bala kezinen ol taekvando, tennıs, akrobatıka, karate, júzý sekildi sporttyń san alýan túrimen aınalysty. Sonymen qatar fortepıa­no, bı jáne kes­kindeme mektebinde tálim alyp, balalar horynda án aıtty. Alty jasynan mánerlep syrǵanaýǵa bar nazaryn aýdardy. Sheberligin shyńdaý maqsatynda ol anasymen birge Más­keýge qonys aýdardy. Keıin­nen AQSh-qa attandy. Ár jyldary asqan daryn ıesi Nıkolaı Morozov, Frenk Keroll, Ra­fael Arýtıýnıan, Elena Býıa­nova, Tatıana Tarasova syndy maıtalmandardyń qol astynda jattyqty.

Denıc Ten 2005 jyly alǵash ret Qazaqstan chempıonatynda top jarsa, sodan keıin taǵy tórt ret jeńis tuǵyrynyń eń bıik sa­tysyna kóterildi. 2009 jáne 2012 jyldary jastardyń álem birinshiliginde tórtinshi orynǵa taban tiredi.

Eresekter arasyndaǵy jarysta Denıstiń eń alǵashqy eleýli tabysy – 2011 jyly elimizde ótken qysqy Azııa oıyndarynyń altyn medali. 2013 jyly Kana­dada ótken álem chem­pıonatynda otandasymyz min­siz óner kórsetip, kúmis me­daldy ıelendi. Ol tek Patrık Chan­nan 1,3 upaı ǵana qalyp qoı­dy. Negizinde bul bá­sekede Ten­niń mereıi ústem bol­ǵan edi. Ony barsha maman moıyn­dady. Biraq ádildikti belden basqan tóreshiler jeńisti jergilikti sportshyǵa áperdi.

2014 jyly Sochıde alaýy tu­tanǵan Olımpııa oıyndarynda Ten­niń asqan sheberligine dúıim jurt tańdaı qaqty. Shyny ke­rek, ol kezde jerlesimiz je­ńis tuǵyryna kóteriledi dep esh­kim kútpegen edi. Sebebi qysqa baǵdarlamada 84,06 upaı jı­naǵan Denıs toǵyzynshy oryn­dy qanaǵat tutty. Onyń ústine, bir ret qulap turǵany bar. Esesine erkin baǵdarlamada eń bir kúrdeli elementterdi min­siz oryndaǵan ol 171,04 upaı oljalady. Nátıjesinde, jat­tyǵý­dyń eki túrinde 255,10 upaı­ǵa ıelik etken otandasymyz qola medaldy moınynda jar­qy­­­­ratty. Bul jarystyń bas júl­­desi japonııalyq Iýdzý­rý Ha­­nıý­ǵa buıyrsa, kúmis júl­deni kana­dalyq Patrık Chan en­shi­ledi. Nátıjesinde, Ten óz eline Olım­pıa­danyń alǵashqy medalin syılady.

2015 jyly Shanhaıdaǵy álem chempıonatynda ıspanııalyq Haver Ernandes pen japonııalyq Iýdzýrý Hanıýdy alǵa jibergen Denıs qola júldeni oljalady. Odan bólek, ataqty sportshy «Tórt qurlyq chem­pıonaty» men Dúnıe­júzi­lik Ýnıversıadanyń je­ńimpazy atanyp, basqa da kóp­tegen dúbirli dodada daralandy. О́miriniń sońǵy kezeńinde ol jaraqatyna baılanysty baı­raqty básekelerdiń birazyna qatysa almady.

Denıstiń esimi - el esinde. Alma­tyda oǵan eskertkish, ózi turǵan úıge memorıal taq­tasy ornatyldy. Derekti fılm túsirilip, Astana men Alma­ty qalalarynda sańlaq sport­­shyny eske alýǵa arnalǵan halyq­­aralyq týrnır jyl saıyn ótip turady. Oǵan álem­niń ár qıy­ry­nan kelgen ataqty máner­lep syr­ǵanaýshylar qatysady.

Esterińizge sala keteıik, Denıs Ten 2018 jyly 19 shildede qaraqshylardyń qolynan qaz tapqan edi.