Býrabaı kýrorttyq aımaǵynda Aqmola oblysynyń Uıymdasqan qylmysqa qarsy kúres basqarmasynyń qyzmetkerleri bopsalaýmen aınalysqan qylmystyq toptyń jolyn kesti, dep habarlaıdy Egemen.kz Polisia.kz-ke silteme jasap.
Polısııa departamenti arnaıy qurylymdary jaýyngerleriniń jáne uıymdasqan qylmyspen kúres basqarmasy qyzmetkerleriniń aýqymdy arnaıy operasııasynyń nátıjesinde Shýchınsk qalasynda Býrabaı aýdanynyń aýmaǵynda bopsalaýmen aınalysatyn jas jigitter toby ustaldy.
Uzaq júrgizilgen tergeý barysynda kúdiktiler jergilikti turǵyndardy, negizinen jastardy mobıldi bankıng arqyly qolma-qol aqsha jáne taýarlyq nesıe alýǵa májbúrlegen. Al bas tartqan jaǵdaıda fızıkalyq kúsh kórsetýmen qorqytqany anyqtaldy.
Qylmystyq toptyń dáleldik qoryn jınaý úshin UQQKB qyzmetkerleri arnaıy jedel is-sharalar júrgizip, nátıjesinde bopsalaý, tonaý, alaıaqtyq jáne qylmystyq tóbeleske qatysý faktilerin anyqtady. Arnaıy operasııa barysynda polıseıler aıyptalýshynyń uıaly telefondaryn tárkiledi. Qazirgi tańda tórt fakti boıynsha sotqa deıingi tergeý amaldary júrgizilip jatyr.
Polısııaǵa 8 kúdikti jetkizildi, onyń tórteýi ýaqytsha ustaý ızolıatoryna qamaldy. Polısııa zańsyz áreketterden zardap shekken barlyq ustalǵandardy anyqtaý boıynsha keshendi jedel-izdestirý sharalaryn júrgizip jatyr.