Qazaqstandyq boksshy Dáýlet Dáýkenov (12-2, 5 KO) Pragada (Chehııa) ótken boks keshinde óner kórsetti, dep habarlaıdy Egemen.kz Sports.kz saıtyna silteme jasap.
Dáýkenov kolýmbııalyq Heber Tobarmen (8-4-3, 3 KO) jekpe-jek ótkizip, ony tehnıkalyq nokaýtpen jeńdi.
Osylaısha Dáýlet Dáýkenov kásipqoı mansabyndaǵy on úshinshi jeńisine qol jetkizse, Eber Tobar besinshi ret jeńiliske ushyrady. Qazaqstandyq úshin bul jeńis qatarynan besinshi jeńisi boldy (sońǵy ret 2021 jyldyń aqpanynda jeńilgen), al qarsylasy besinshi ret qatarynan nokaýtqa tústi. D.Dáýkenov kásipqoı rıngte 2017 jyldan beri óner kórsetip keledi.