Prezıdent Qasym-Jomart Toqaev Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Túrkistandaǵy Iаsaýı kesenesine erekshe mán berdi, dep habarlaıdy Egemen.kz Aqordanyń baspasóz qyzmetine silteme jasap.
«Túrkistandy Iаsaýısiz elestetý múmkin emes. Áıgili ǵulama tutas túrki dúnıesinde ıslam dininiń ornyǵýyna zor úles qosty. Iаsaýıden bastaý alatyn qazaq jerindegi rýhanı sabaqtastyq qazirge deıin úzdiksiz jalǵasyp keledi», dedi Memleket basshysy.
Sonymen qatar Prezıdent bıyl Qoja Ahmet Iаsaýıdiń týǵanyna 930 jyl tolyp otyrǵanyn atap ótti. Memleket basshysy ǵulamanyń eńbekterin jan-jaqty zerttep, dáripteý mańyzdy ekenin aıtty. Qasym-Jomart Toqaev «Iаsaýıtaný» ǵylymı ortalyǵyn nemese ınstıtýtyn qurý máselesin oılastyrýǵa bolatyndyǵyn da sóz etti.