Memleket basshysy Qasym-Jomart Toqaev Ulttyq quryltaıdyń ekinshi otyrysyn qorytyndylady, dep habarlaıdy Egemen.kz.
«Búgin men usynǵan bastamalar – aldaǵy aýqymdy jumystyń bir bóligi ǵana. Jańa ıdeologııalyq tujyrymdy ornyqtyrý úshin memlekettik apparat, sarapshylar, ǵalymdar, tilshiler, azamattyq qoǵam ókilderi – bári jumylýy qajet. Prezıdent Ákimshiligi jumys josparyn ázirlep, aıtylǵan máselelerdi túgel qatań baqylaýǵa alady. Biz Ádiletti Qazaqstandy quryp jatyrmyz. Bul – óte jaýapty ári abyroıly mindet», dedi Prezıdent.
Osy tusta Memleket basshysy ár qazaqstandyq elge degen janashyrlyǵyn naqty ispen kórsetse, el halqynyń biregeıligi nátıjeli bolatynyn aıtty.
«Biz otanshyldyǵymyzdy jáne elge janashyrlyǵymyzdy naqty ispen kórsetýimiz kerek. «Adal azamat» bolýǵa umtylýymyz qajet. Sonda árqaısymyz Otanymyzdy órkendetýge úles qosamyz. Men úshin Ulttyq quryltaı jurtshylyqpen kezdesip, jaı ǵana pikir almasatyn jer emes. Ony elimizdiń mádenı-rýhanı órleýine jol ashatyn shamshyraq deýge bolady. Iаǵnı, quryltaı alańynda qoǵamnyń jańa etıkasyn jáne onyń jańa damý úlgisin qalyptastyrý máselesi qaralady. Árıne, bul – bir kúnde bitetin sharýa emes. Ol úshin kún saıyn tynymsyz eńbek etýimiz kerek. Bir sózben aıtqanda, memleket pen qoǵam birge jumylyp jumys isteýi qajet. Bul ultymyzdyń boıyna orasan zor kúsh-qýat darytady, ózgeriske degen qulshynysyn oıatady. Sonda ǵana, elimiz kózdegen maqsatyna jetedi. Osylaısha, aldaǵy onjyldyq elimizdiń naǵyz órleý dáýirine aınalmaq. Men buǵan kámil senemin», dep oıyn jetkizdi Prezıdent.
Jıyndy qorytyndylaı kele Prezıdent Ulttyq quryltaıdyń kelesi otyrysyn Atyraý oblysynda ótkizýdi usyndy.
«Byltyr Ulytaýda, bıyl kıeli Túrkistanda bas qosyp, eldik máselelerdi talqyladyq. El tarıhynda aıryqsha orny bar taǵy bir aımaq – Atyraý oblysy. Ondaǵy áıgili Saraıshyq qalasynda ataqty handarymyz ordasyn tikken. Men Ulttyq quryltaıdyń kelesi otyrysyn osy shejireli aımaqta ótkizýdi usynamyn. Elimizde laıym jaqsylyq kóp bolsyn!», dep túıindedi Qasym-Jomart Toqaev.