Qorǵaljyn tas joly men Qosshy qalasynyń aınalma jolynda qurǵaq shóp órtenip jatyr. О́rtten shyqqan qoıý tútin Astananyń sol jaǵalaýyn basty, dep habarlaıdy Egemen.kz.
Elordada azot oksıdi men dıoksıdiniń, ozon men kúkirtti sýteginiń normadan asyp ketýi tirkeldi.
Densaýlyq saqtaý mınıstri Ajar Ǵınııat júkti áıelder, balalar, qart adamdar men syrqattanǵandarǵa dalaǵa shyqpaýǵa keńes berdi.
«Eger densaýlyǵyńyz mazalasa, ýchaskelik dárigerge habarlasyńyz», dedi mınıstr.
Sondaı-aq buǵan deıin Astana ákimdigi de elorda turǵyndaryna kóshege shyqpaýǵa keńes berdi.