Astana qalasy TJD О́rt sóndirý bólimsheleri 15 gektar aýmaqta qurǵaq jerdegi órtti sóndirý jumystaryn jalǵastyryp jatyr, dep habarlaıdy Egemen.kz.
Oqıǵa ornyna Tótenshe jaǵdaılar mınıstri Syrym Sháriphanov bardy. Sondaı-aq TJ mınıstri Syrym Sháriphanovtyń tapsyrmasy boıynsha Aqmola jáne Qaraǵandy oblystarynyń TJD kúshteri men quraldarynyń qosymsha toby bara jatyr.
О́rtti sóndirýge Astana qalasy TJD jeke quramynan 158 adam men 33 birlik tehnıka, sondaı-aq qala ákimdigi men Astana Ormany tehnıkasy jumyldyryldy. О́rtti sóndirý úshin Qorǵanys mınıstrliginiń eki MI-17 tikushaǵy tartyldy.
О́rt sóndirý shtaby quryldy. Turǵyn úıler men orman alqaptaryna qaýip joq.
Tótenshe jaǵdaılar mınıstrligi turǵyndarǵa eskertý jasady.
«Qurmetti turǵyndar, qyraǵylyq tanytyp, kelesi saqtyq sharalaryn saqtaýlaryńyzdy suraımyz:
TJD jáne basqa da senimdi kózderdiń usynystaryn oryndańyz.
Eger siz syrtta bolsańyz, tútinnen qorǵaıtyn maska kıgen durys.
Tútinniń bólmege enýine jol bermeý úshin terezeler men esikterdi jabyńyz», delingen habarlamada.