Jas patrıottar jıyny

Oqý ortalyǵynyń aýmaǵyn­da 43 komandadan turatyn 700-den astam jasóspirim men oqýshy úshin shatyrly lager ashyldy. Jıynǵa eli­mizdiń barlyq óńirinen jas­tar jınaldy. Ás­kerı saıysqa Qarýly kúsh­ter­diń, basqa da áskerler men ás­ke­rı quralymdardyń áskerı-pat­rıot­tyq klýbtarynyń, Saǵa­­dat Nurmaǵambetov atyn­daǵy ás­kerı kolledjdiń, «Jas ulan» res­pýblıkalyq mek­tep­te­ri­niń, konkýrstyq irik­teý­den ót­ken ob­lystyq áskerı mek­tep-ın­ter­nattardyń tárbıe­lenýshileri qatysyp jatyr. Bıylǵy jıyn­nyń ereksheligi – «Aıbynǵa» alǵash ret Ázer­baıjan men О́zbek­stannyń komandalary shaqyrylyp otyr. Barlyq koman­danyń quramynda 14-17 jas ara­lyǵyndaǵy balalar óz ónerle­rin ortaǵa salýda.

«Shahterler astanasynyń» temirjol vokzalyna alǵashqy ­bolyp Soltústik Qazaqstan, Jam­byl oblystary men Shymkent qalasy áskerı-patrıottyq klýb­tarynyń ókilderi, sondaı-aq Al­maty, Shymkent qalalarynyń «Jas ulan» respýblıkalyq mek­tepteriniń tárbıelenýshileri kelip jetti. Uıymdastyrýshylar jıynǵa qatysýshylardy áskerı orkestr únimen qarsy aldy.

Baıqaý baǵdarlamasynda «Aı­byn daryny» zııatkerlik ­oıy­ny jáne «Kúshimiz – birlik­te» áskerı-dalalyq taktıka­lyq oıyny, «Aıbyn juldyzy» shy­ǵarmashylyq baıqaýy jáne «Smart Sarbaz» robototehnıka saıysy bar. Áskerı-sporttyq, áskerı-qoldanbaly sport túrleri jáne áskerılendirilgen esta­feta boıynsha jarystar ótkizý ­úshin alańdar daıyndaldy.

Jıynda áskerı tehnıka kór­­­­mesi, fılmder kórsetilimi, mu­rajaıdyń kóshpeli ekspozı­sııa­sy uıym­dastyrylmaq. Bala­lar­ǵa sport­tyq oıyndar, alaý ja­nyn­­da­ǵy keshter men ınter­ak­tıv­ti kon­sert kórsetiledi. Baı­­­qaý­­ǵa qaty­sýshylar «Aıbyn – dos­­tyq mekeni» saıabaǵyna aǵash otyrǵy­zady. Tanymal adam­­da­r­­­men, ardagerlermen, medıatul­ǵa­­­larmen kezdesýler de kún tár­tibinde tur.

«Aıbyn» halyqaralyq jıy­ny aıasynda «Birlik ordasy» kór­­mesi uıymdastyrylady. Onda Qazaqstan, Ázerbaıjan jáne О́z­bek­stannyń jas patrıottary óz halqynyń mádenı je­tis­­tikterin, úzdik dástúrleri men ádet-ǵuryptaryn kórsetetin bo­lady.

17 maýsymda bastalǵan jıyn­nyń saltanatty ashylý rási­mi de ótti. Is-sharaǵa qorǵanys mı­nıstriniń orynbasarlary, ge­neral-leıtenant Sultan Kama­let­dınov pen general-leıtenant Muhamedjan Talasov, Qara­ǵan­dy oblysynyń ákimi Erma­ǵan­bet Bólekpaev pen depýtat­tar qatysyp, sóz sóıledi. Áskerı ómirdiń qyr-syryn úıretip, boı­­­­laryna otanshyldyq sezimin uıala­­­tatyn bul jıynnyń jas ba­la­­lar úshin paıdasy ushan-teńiz.

– Men óz oblysymnyń aty­nan halyqaralyq áskerı-patrıot­tyq jıynǵa qatysyp otyrǵanymdy maqtanysh etemin. Bizge úlken jaýapkershilik júkteldi jáne osy saıysta jeńiske jetý úshin bar kúshimizdi salýǵa daıynbyz, – dep aǵynan jaryldy Jambyl oblysy «Jas ulan» áskerı-pat­rıottyq klýbynyń múshesi Ásel Aıtbaı.