Úkimet qaýlysymen Erlan Qudaıbergenuly Aqkenjenov Energetıka vıse-mınıstri bolyp taǵaıyndaldy, dep habarlaıdy Egemen.kz Úkimettiń baspasóz qyzmetine silteme jasap.
Erlan Aqkenjenov 1979 jyly Almatyda dúnıege kelgen. «Ádilet» joǵary zań mektebin, «Astana» ýnıversıtetin bitirgen.
Eńbek jolyn 2002 jyly jeke uıymda bas maman bolyp bastaǵan. 2004-2012 jyldary munaı-gaz salasynda basshylyq qyzmetterde jumys istedi. 2012-2016 jyldary KMG International (Rompetrol) kompanııasynda bas menedjer, saýda jónindegi aǵa basqarýshy dırektor bolyp jumys istedi. 2016-2022 jyldar aralyǵynda kommersııalyq qurylymdarda jumys istegen.
2022 jyldyń shildesinen qazirgi ýaqytqa deıin «QazMunaıGaz» UK» AQ munaı ónimderiniń marketıngi departamentiniń basshysy qyzmetin atqardy.