Aqtóbe oblysynda jol-kólik oqıǵasy saldarynan tórt sheteldik kóz jumyp, taǵy tórt adam zardap shekti, onyń ishinde eki bala bar, dep habarlaıdy Egemen.kz.
Oblystyq polısııa departamenti usynǵan aqparatqa sáıkes, oqıǵa 21 maýsym kúni tańǵy saǵat 8:15 shamasynda «Samara-Shymkent» tas jolynyń 631 shaqyrymynda Qobda aýylynyń mańynda bolǵan.
«Hyundai Starex avtokóliginiń júrgizýshisi Tájikstan Respýblıkasynyń azamaty rýlge ıe bola almaı, aýdarylyp qalǵan», dep habarlady Aqtóbe oblysy PD baspasóz qyzmeti.
Oqıǵa saldarynan eki jolaýshy, onyń ishinde 15 jastaǵy qyz oqıǵa ornynda jan tapsyrdy. Alty adam túrli dene jaraqattarymen Qobda aýdanynyń ortalyq aýdandyq aýrýhanasyna jetkizildi. Kámeltke tolmaǵan eki bala aýrýhanada kóz jumdy.
Aldyn ala boljam boıynsha, kólik júrgizýshisi kólikti sharshaǵan kúıde basqarǵan.