BQO-da «Zańsyz kelýshi – 2023» respýblıkalyq jedel aldyn alý is-sharasy ótip jatyr, dep habarlaıdy Egemen.kz Polisia.kz-ke silteme jasap.
Is-shara bastalǵaly 3 kúnniń ishinde kóshi-qon zańnamasyn buzǵan 159 quqyq buzýshylyq anyqtaldy. Onyń ishinde 85 sheteldik azamat respýblıka aýmaǵynda bolýy erejesin buzǵan, al 63 Qazaqstan azamaty sheteldikterdi qabyldap, ýaqytynda polısııa qyzmetkerlerine habarlama túsirmegen.
Qazaqstan respýblıkasynyń 63 azamaty QR ÁQBtK-niń 518-baby 1-bóligi boıynsha, sonymen qatar, sheteldik jumys kúshin zańsyz jumysqa tartqany úshin 11 oblys azamaty anyqtalyp, QR ÁQBtK-niń 519-baby 1-bóligi boıynsha ákimshilik jaýapkershilikke tartyldy.Jeke basyn kýálandyratyn qujattary bolmaǵan 22 sheteldik azamattar qabyldap-taratý ortalyǵyna ornalastyryldy. Sot sheshimimen, elden tys jerge tirkeý merzimi ótip ketken 9 sheteldik azamat májbúrli túrde shyǵaryldy.
Is-sharany ótkizý barysynda BQO PD polısııa qyzmetkerleri múddeli memlekettik organdarmen birlese otyryp 2 jyldan astam ýaqyttan beri Atyraý oblysynda vızasyz turǵan jáne qurylys alańdarynda jumys istegen Túrkııa eliniń 48 jastaǵy azamatyn anyqtady. Ol birneshe kún buryn Oral qalasyna toıǵa kelgen kezde ustaldy. Oǵan qatysty ákimshilik hattama toltyrylyp, el aýmaǵynan shyǵarý týraly sottyń sheshimi shyǵaryldy.
Oral qalasynda ishimdikke masań kúıde bolǵan Reseı Federasııasy azamattarynyń basqarýyndaǵy 2 avtokólik toqtatyldy. Olarǵa qatysty ákimshilik sharalar qabyldandy.