«Osy sharalardy elimizde nege qabyldap, júzege asyrmasqa?! Ǵylym jáne joǵary bilim mınıstrliginiń málimetinshe, bilim berý granttarynyń sany jyl saıyn artyp keledi jáne granttar UBT nátıjesi boıynsha beriledi. Oǵan qosa bilim grantyn bólgende azamattardyń áleýmettik osal sanaty úshin kvota qarastyrylǵan. Kópbalaly nemese tolyq emes otbasylardyń balalary, erekshe qajettigi bar balalardy tárbıelep otyrǵan otbasyndaǵy úmitkerlerdiń grant alýǵa múmkindikteri joǵary», dedi Gaýhar Tanasheva.
Májilis depýtatynyń aıtýynsha, 2022-2023 oqý jylyna bólingen 73 061 memlekettik granttyń 15 029 ıgerilmeı qaldy. Igerilgen granttar ishinde 2 865 grant kópbalaly otbasyndaǵy balalarǵa, 1 253 grant tolyq emes otbasyndaǵy balalarǵa berildi. Mınıstrliktiń málimetinshe, paıdalanylmaǵan granttar UBT nátıjesiniń tómen kórsetkishine baılanysty.
«Bul granttardy mınıstrlik UBT-dan tómen ball alyp qalǵan, biraq oqýǵa jáne joǵary bilim alýǵa degen yntasy bar halyqtyń áleýmettik osal toptary arasynda bólip berý joly nege qarastyrylmaǵan? Kópbalaly otbasyndaǵy eń bolmaǵanda bir bala joǵary oqý ornyna túsip, jaqsy bilim alyp, bolashaqta joǵary jalaqy alatyn jumysqa ornalasyp jatsa, artynan ergen baýyrlaryna da kómektesip, aıaqtaryna nyq turyp, kópbalaly otbasylardyń «masyl» degen ataǵy joıylar edi ǵoı«, dedi depýtat.