2 aqpan - Qazaq baspasóziniń kúni bolyp belgilendi. Bul týraly Aqparat jáne qoǵamdyq damý mınıstri Darhan Qydyráli «Qazaq jýrnalıstıkasy: ótkeni men búgini» kórmesiniń ashylý saltanatynda aıtty, dep habarlaıdy Egemen.kz.
«Súıinshi bir jańalyǵymyzdy aıtqym kelip otyr. Biz qys mezgilinde «Qazaq» gazetiniń dúnıege kelgen 2 aqpan kúnin Qazaq baspasóziniń kúni dep jarııalaý týraly bastama kótergen edik. Sol usynys qabyldandy. Jýrnalıster kúni aıasynda jarııalanýy kerek. Budan bylaı 2 aqpan – Qazaq baspasóziniń kúni bolady. Bizdiń júrip ótken jolymyz bizdi bolashaqqa aparatyn jol», dedi Darhan Qydyráli.