Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanmen telefon arqyly sóılesti, dep habarlaıdy Egemen.kz Aqordanyń baspasóz qyzmetine silteme jasap.
Eki el basshylary bir-birin Qurban aıt merekesimen quttyqtap, Qazaqstan men Túrkııanyń baýyrlas halyqtaryna ıgilik pen baq-bereke tiledi.
Áńgimelesý barysynda saýda-ekonomıkalyq, ınvestısııalyq jáne gýmanıtarlyq salalardaǵy ekijaqty strategııalyq seriktestikti odan ári damytý perspektıvalary talqylandy.
Sonymen qatar byltyr Memleket basshysynyń Ankaraǵa jáne Túrkııa Prezıdentiniń Astanaǵa jasaǵan memlekettik saparlary kezinde qol jetkizilgen ýaǵdalastyqtardy tıimdi júzege asyrýǵa basa mán berildi. Sonymen qatar taraptar halyqaralyq jáne óńirlik kún tártibindegi ózekti máseleler jóninde pikir almasty.