Qaraǵandydaǵy «Kúı alleıasy»

«Qala turǵyndarynyń, jastar qaýymynyń jumystan, sabaq­tan tys bos ýaqyttarynda taza aýada tynyǵyp, demalýy­na­ qolaıly jaǵdaı jasaý maq­sa­tynda osyndaı biregeı alleıa­ jasaldy. Negiz­gi maqsat – hal­qy­myzdyń qa­sıe­t­ti kúı ónerin nası­hattaý ar­qy­ly jastardyń óner­ge degen qyzy­ǵý­shy­lyǵyn art­tyrý, olardyń boıyna rýhanı­ qun­dylyqtardy sińirý. Munda kelý­shiler tek kúı tyńdap qana qoı­maı, avtorlarynyń ómiri men shyǵarmashylyǵy týraly da málimet ala alady. Máselen, keıbir kúıshilerdiń artynda bir ǵana kúıi qalǵan. Demek bul baǵyttaǵy izdenisterdi áli de bolsa jalǵastyra berý kerek», deıdi ıdeıa avtory­, ýnıversıtet rektory N.Dýlat­be­kov.

«Kúı alleıasy» jobasy­ ýnı­ver­­­sıtettiń ǵylymı zertteý ju­mys­ta­rynyń baıqaýynda usy­ny­lyp, oqý ordasy basshylyǵy tara­py­nan qoldaýǵa ıe boldy. Avtorlar qurylǵynyń baspa palatasyn ázirleýden bastap, onyń korpýsyn, baǵdarlamalyq jasaqtamasyn jasaý, qurylǵyny ornatý jumystarynyń barlyǵyn ózderi atqaryp shyqty. Joba úshin aspan jáne robottehnı­ka­ zerthanalary, 3D basyp shy­ǵa­rý jáne sıfrlyq modeldeý­ zert­hanalarynyń resýrs­ta­ry­ paıdalanyldy. Árbir oryn­dyq­ta arnaıy sensor bar. Adam oryn­dyqqa bir jarym metr qashyq­tyqta jaqyndaǵanda, sen­sor iske qosylyp, mýzyka­ oınaı­ bas­­taıdy. Sonymen qatar mun­da­ QR-kod ornatylǵan. Sonyń kó­me­gimen, uıaly telefon arqyly kúı­shilerdiń ómirbaıany men shy­ǵarmashylyǵy jaıynda tolyq­qan­dy aqparat alýǵa bolady. Jo­ba avtorlarynyń aıtýynsha, «Kúı alleıasy» jyl mezgiliniń kez kel­gen ýaqytynda kelýshilerine kúı shyrqaýǵa ázir. Oryndyqtar ja­ýyn-shashynǵa, tómengi temperatýraǵa tózimdi.

– Bizdiń endigi josparymyz – ýnı­versıtettiń 8-korpýstyń jany­nan «О́leńder alleıasyn» qurý. Onda oryndyqtar ornatyldy, elektr qýaty jetkizildi, tek elektronıka máselesi qaldy, – deı­di ýnıversıtettiń aqparattyq teh­no­­logııalar jáne telekommýnıkasııa ortalyǵynyń jetekshisi V.Karabasov.