Májilis depýtattary Baýyrjan Smaǵulov pen Arman Qalyqov Balqash qalasyna baryp, «Qazaqmys Enerdjı» JShS-ny aralady. Onda aldaǵy jylytý maýsymyna daıyndyq jumystaryn talqylady, dep habarlaıdy Egemen.kz.
Eńbek ujymymen kezdesýde Arman Qalyqov jabdyqty jańartý máselesin kóterdi.
«О́zderińiz biletindeı, qysta bolǵan tótenshe jaǵdaı Ekibastuzda jylý jelileriniń, onyń ishinde jylý elektr ortalyqtarynyń jabdyqtarynyń tozǵanyn kórsetti. Búginde elimizdiń barlyq Jylý elektr ortalyqtarynyń eskirgen jabdyqtaryn jańartý qajet. Menshik ıeleri úshin bul baǵyttaǵy jumysty jandandyrýy mańyzdy», dedi depýtat.
Kezdesý barysynda ujym qyzmetkerleri ózderin tolǵandyrǵan suraqtardy alǵa tartyp, naqty jaýap aldy.
Odan ári depýtattar Balqash mys balqytý zaýytynyń tynys-tirshiligimen, qalany abattandyrý barysymen tanysyp, azamattardyń ótinishi boıynsha qoǵamdyq qabyldaý ótkizedi.