6 shildede Kúrshim aýdanynyń Quıǵan aýyldyq okrýgindegi taýly jerde shóp órtendi, dep habarlaıdy Egemen.kz.
7 shildede Qazáýeormanqorǵaýdyń MI-2 tikushaǵy jaǵdaıdy baqylaý úshin ushyp shyqty. Áýeden barlaý nátıjeleri boıynsha janý alańy boljammen 20 ga quraıdy. Barlyq nátıjeler órtti sóndirý shtabyna beriledi. Qazirgi ýaqytta órttiń taralýy toqtatyldy, jekelegen tútin núktelerin sóndirý jumystary júrgizilip jatyr. Eldi mekenderge qaýip joq.
- О́rtti sóndirýge Úlken Naryn jáne Kúrshim orman sharýashylyqtarynan, ShQO TJD О́rt sóndirý qyzmetinen jáne jergilikti atqarýshy organdardan 100-den astam adam men 15 birlik tehnıka jumyldyryldy, - delingen ShQO TJD baspasóz qyzmetiniń habarlamasynda.
«Qazgıdromet» aqparaty boıynsha órt ornynda jel ekpini sekýndyna 2-3 metr, kún bultty.