Qazaq tennısshi Jibek Qulambaeva Shtýtgarttaǵy (Germanııa) ITF týrnıriniń juptyq saıysynda fınalǵa shyǵa almady. Ol meksıkalyq Vıktorııa Rodrıgespen birge oınaǵan bolatyn, dep habarlaıdy Egemen.kz Sports.kz saıtyna silteme jasap.
Jartylaı fınalda Qulambaeva men Rodrıges chehııalyq Denısa Gındova men Karolına Kýbanovamen kezdesip, úsh sette utyldy - 6:3, 6:7 (6:8), 7:10.
Jibek Qulambaeva Shtýtgarttaǵy týrnırdi osy jerden aıaqtady. Týrnırdiń júlde qory – 25 000 dollar.
Aıta keteıik Jibek Qulambaeva (WTA reıtınginde 435-oryn) Shtýtgarttaǵy týrnırde jekeleı synda da óner kórsetip, birinshi aınalymda shveısarııalyq tennısshi Nadın Kellerden (423-oryn) utyldy - 4:6, 4:6.