Búgin saǵat 12:35-te «101» pýltine Besqaraǵaı aýdanynda Birlik pen Belokamenka aýyldarynyń arasynda qurǵaq shóptiń janyp ketkeni týraly aqparat kelip tústi, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Oqıǵa ornyna Abaı oblysy TJD kúshteri men quraldary, ormanshylyqtar men jergilikti atqarýshy organdardyń ókilderi attandy.
Jalyn sharpyǵan aýdandarda buta jáne qurǵaq shóp órtenip jatqany anyqtaldy.
О́rt 15:18-de oqshaýlandy. О́rttiń aldyn ala aýdany 4,5 gektardy qurady.
«Orman qory men eldi mekenderge qaýip joq. Qazirgi ýaqytta jalynmen 30 adam kúresip jatyr», dep habarlady mınıstrlik ókilderi.