Bokstan Qazaqstan ulttyq quramasynyń bas bapkeri Myrzaǵalı Aıtjanov dopıng daýyna ilikken boksshylar – Samatáli Tóltaev pen Abzal Serikke qatysty pikir bildirdi, dep jazady Egemen.kz sportpress.kz-ke silteme jasap.
«Bul ózi buryn bolǵan jaǵdaı. Nege deseńiz, tyıym salynǵan preparattar adamnyń azǵasynda 3-4 aı, keıde bir jylǵa deıin bolady. Qańtar aıynda Ulttyq dopıngke qarsy ortalyq Samatáli Tóltaev pen Abzal Serikti dopıngke teksergende olar synamadan óte almaǵan», dedi Myrzaǵalı Aıtjanov.
Bas bapkerdiń aıtýynsha, bul jaǵdaı ulttyq quramada ǵylymı top bolmaǵan kezde bolǵan. Sportshylar erejeni saqtamaı júre bergen.
Myrzaǵalı Aıtjanov ulttyq quramadaǵy búgingi ahýalǵa toqtaldy.«Biz qazir bárin ózgerttik. Boksshylarǵa tyıym salynǵan dári-dármekter, vıtamınder ishpeńder dep aıtamyz, eskertemiz. Eń aldymen eskertemiz. Ulttyq quramanyń dárigeri Irek Satov eskertý jasaıdy, ǵylymı toptyń basshysy Ǵalııa Bılıalova sportshylarmen semınar ótkizedi. Sosyn boksshylar oqý-jattyǵý jıyndarynda dopıngke tekseriledi. Olarǵa taǵy da eskertý jasalady», dedi ulttyq quramanyń bas bapkeri.
Aıta keteıik, osyǵan deıin elimizdiń eki boksshysy dopıngke baılanysty sporttan shettetilgenin jazǵan edik.