Onlaın-platforma týraly zań ýaqytyly qabyldanyp otyr. Qazirgi tańda Eýropanyń kóptegen elinde mundaı qujat qabyldanǵan. Jarnamalyq jaǵy rettelgen. Osy zańdy biraz buryn qabyldaýymyz qajet edi, biraq «eshten – kesh jaqsy».
О́ıtkeni áleýmettik jeliniń qaryshtap damýymen qatar, ınflıýenser, bloger sekildi jańa mamandyqtar paıda boldy. Olar jarnama arqyly paıda taýyp otyr. Biraq jeke kirisinen qazynaǵa salyq tólemeıdi. Oǵan qosa, oqyrmandaryna anyq-qanyǵy belgisiz kóp aqparat taratady da, eshqandaı jaýapkershilik júktemeıdi. Kirisi jýrnalısterden áldeqaıda kóp. Mysaly, túrli post jazady, jarnamamen aınalysady.
Jańa zańǵa sáıkes, mundaı blogerler jarnama jasaǵan kezde buqaralyq aqparat quraldaryndaǵydaı arnaıy belgi qoıýǵa tıis. Onyń qandaı bolatyny mınıstrlik ázirleıtin normatıvtik-quqyqtyq aktide kórsetiledi.
Budan bólek, onlaın-platforma arqyly alaıaqtarǵa jem bolyp jatqan adamdar óte kóp. Iаǵnı tanymal adamdarǵa jarnama jasatý arqyly qarapaıym turǵyndardy san soqtyryp ketedi. Sondyqtan bul máseleni retteıtin kez keldi. Osy turǵydan alǵanda da zańnyń qabyldanýy óte mańyzdy.
Sondaı-aq Qylmystyq kodekske, Ákimshilik kodekske zańdyq turǵyda jaýapkershiligin qaraýǵa baılanysty ózgerister engizildi. Bireýdi qorqytyp, úrkitip jazý, jalǵan aqparat taratý máseleleri de qaralady.
Onlaın-platformalardyń basym bóligi – sheteldik sýbektiler. Olar endigi jerde mindetti túrde Qazaqstanda ókildigin ashýy qajet. Bul mekeme elimizdegi ýákiletti organǵa ár toqsan saıyn aqparat berip otyrýǵa tıis. Keıde jalǵan aqparatty óshirýge nusqaýlyq berilse, ony oryndaýy kerek. Iаǵnı onlaın-platforma ıeleriniń mindettemeleri kúsheıtildi. Qysqasy, bul zań qoǵamǵa óte qajet.
Aıgúl QAPBAROVA,
Senat depýtaty