Aqtóbede 70 muǵalim jasandy qujat arqyly 2-3 jyl boıy zańsyz ústemeaqy alyp otyrǵan, dep habarlaıdy Egemen.kz qazaqstan.tv arnasyna silteme jasap.
Bul týraly Sybaılas jemqorlyqqa qarsy agenttik pen bilim berý salasynda sapany qamtamasyz etý departamenti júrgizgen tekseris nátıjesinde belgili boldy. Taǵy 53 muǵalimge arnaıy testileýden óte almasa da ótti degen jalǵan anyqtama berilgen.
Zańsyz áreketke barǵan pedagogtar memleketke 100 mıllıon teńgeden asa qarjyny qaıtarýy tıis. Olarǵa jasandy qujat bergen mekemeler de tekseriledi.
«Qaǵaz túrinde alyp kelgen sertıfıkattary men bazadaǵy ball sáıkes kelmeıtini anyqtalyp otyr. Olardyń aıyrmashylyǵy tipti onnan 35 ballǵa deıin baryp otyr. Olar zańbuzýshylyqqa baryp otyr ǵoı, bul rette olardyń sanaty pedagogqa deıin túsedi jáne bes jylǵa deıin attestattaýdan óte almaıdy», dedi oblystyq Bilim berý salasynda sapany qamtamasyz etý departamentiniń basshysy Gúlnara Sársenǵalıeva.