Sınoptıkter 19 shildede Almaty, О́skemen jáne Rıdder qalalarynyń aýasynda zııandy zattardyń joǵary deńgeıi bolady dep boljap otyr, dep habarlaıdy Egemen.kz.
«Qazgıdromet» mamandarynyń boljamy boıynsha, sársenbi, 19 shildede Almaty, О́skemen jáne Rıdder qalalarynda aýadaǵy zııandy qospalar joǵarylap, qolaısyz meteorologııalyq jaǵdaılar (QMÝ) saqtalady.
Qolaısyz aýa raıy jaǵdaılary – atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (jeńil jel, tuman, ınversııa) jıyntyǵy. QMÝ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri sınoptıkalyq jaǵdaıdy boljaý (jel, jaýyn-shashyn, ylǵaldylyq, aýa temperatýrasy).
Qolaısyz aýa-raıynda usynylady:
ashyq aýada, ásirese tas joldardyń nemese basqa lastaýshy kózderdiń janynda ótkizý ýaqytyn qysqartý; balalar men júkti áıelder uzaq serýendeýden aýlaq bolý kerek; sozylmaly ókpe aýrýlary, júrek-qan tamyrlary, allergııalyq aýrýlarmen aýyratyn adamdar kóshede bolǵan kezde olarmen birge dári-dármekterdi alyp júrý kerek; ashyq aýada fızıkalyq belsendilikti shekteńiz. Dene shynyqtyrý men sport jabyq sport keshenderinde júrgizilýi kerek.Bir kún buryn Almaty turǵyndary men qonaqtaryna aldaǵy sársenbi, 19 shilde kúni qatty aptap ystyq bolatyny eskertildi. Termometr 42 gradýsqa deıin kóteriledi.