Aqmola oblysyndaǵy dalada 400 gektar alqapty órt sharpyp, tótenshe jaǵdaı oryn aldy, dep habarlaıdy Egemen.kz.
О́rt 21 shilde kúni saǵat 16:32-de Stepnogorsk qalasynyń Azat aýyly aýdanynda shyqqan. Kúsh-quraldardyń jedel is-qımyldarynyń jáne der kezinde qabyldanǵan sharalardyń nátıjesinde tilsiz jaý saǵat 19.30-da oqshaýlanyp, saǵat 21.30-da sóndirilgen.
Qaıtys bolǵandar men zardap shekkender joq. Qazirgi ýaqytta órttiń shyǵý sebepteri anyqtalyp jatyr.
О́ńirdiń TJD baspasóz qyzmeti málim etkendeı, órtti sóndirýge Aqmola oblysynyń orman sharýashylyǵynan, jergilikti atqarýshy organdarynan jáne TJD kúshteri men quraldarynan 39 adam jáne 11 birlik tehnıka jumyldyrylǵan.