Ekinshi jartylaı orta salmaqta judyryqtasatyn daryndy kásipqoı boksshymyz Sultan Zaýyrbek (15-0, 11 KO) kezekti aıqasyn Shotlandııada ótkizip, qarsylasynan merziminen buryn basym tústi.
Áýesqoı boksta jastar arasyndaǵy álem chempıonatynyń kúmis júldegeri, eresekter básekesinde birqatar tabysqa jetken otandasymyz kásipqoı boksta da táýir nátıje kórsetip keledi. 2018 jyldan bastap kásipqoı boksqa den qoıǵan 27 jastaǵy otandasymyz búginge deıin 14 aıqas ótkizip, sonyń barlyǵynda jeńiske jetken. 10 qarsylasyn merziminen buryn tize búktirgen edi.
Shotlandııanyń Edınbýrg qalasynda uıymdastyrylǵan boks keshinde jerlesimiz Ispanııanyń ataqty boksshysy, kásipqoı sharshy alańda birde-bir márte jeńilip kórmegen Djon Kartermen (15-1-1, 7 KO) qolǵap túıistirip, 10 raýndqa josparlanǵan jekpe-jektiń úshinshi raýndynda qarsylasyn nokaýtpen jeńdi. Osylaısha, WBO European belbeýiniń ıegeri Sultan Zaýyrbek karerasyndaǵy 15-shi jeńisine qol jetkizdi.