Malaızııanyń Malakka qalasynda WKF karateden eresekter arasyndaǵy XIX Azııa chempıonaty aıaqtaldy, dep habarlaıdy Egemen.kz Sportty damytý dıreksııasynyń ınstagram paraqshasyna silteme jasap.
Álemniń 31 elinen 400-ge jýyq tatamı sheberi jınalǵan Azııa chempıonatynda Qazaqstan namysyn 19 sportshy qorǵady.
Jarystyń sońǵy kúni komandalyq synda júldeli oryndar sarapqa salyndy. Nátıjesinde kýmıte baǵdarlamasynda erler komandalary arasynda Qazaqstan quramasy kúmis júldege qol jetkizdi.
Azııa chempıonatynyń qorytyndysy boıynsha úshinshi orynda Iran (3 altyn, 2 kúmis, 7 qola), ekinshi orynda Japonııa (3 altyn, 3 kúmis, 2 qola), al Qazaqstan quramasy 3 altyn, 4 kúmis jáne 4 qola medalmen alǵash ret jalpy esepte kósh bastady.