21-23 shilde kúnderi Malaızııanyń Malakka qalasynda uıymdastyrylǵan para karateden Azııa chempıonatynda jerlesterimiz sátti óner kórsetip, tórt medal oljalady.
Para sportshylar arasyndaǵy sary qurlyq dodasyna Azııanyń 6 memleketinen kelgen 50 sportshy qatysty. Azııa birinshiligine Qazaqstan quramasynyń bes sportshy qatysyp, nátıjesinde 2 altyn jáne 2 kúmis medal jeńip aldy.
Atap aıtar bolsaq, áıelder arasyndaǵy básekede Lázzat Júsipova men Hazgúl Izmaǵambetovalar óz salmaq dárejelerinde úzdik shyǵyp, altynnan alqa taqsa, erler jarysynda baq synaǵan Dıdar Muhamedjanov pen áıelder arasynda óner kórsetken Nurjaına Jannetova fınaldyq saıysta qarsylastaryna ese jiberip, Azııa chempıonatynyń kúmis júldesin ıelendi.