Qostanaı oblysynyń polıseıleri Reseı azamatynan Kinder-ge jasyrylǵan esirtkini tárkiledi, dep habarlaıdy Egemen.kz Polisia.kz-ke silteme jasap.
24-shildede «Qaıraq» avtomobıl ótkizý pýnktinde memlekettik shekaradan ótý kezinde Qostanaı oblysy PD jáne Qarabalyq aýdany esirtki qylmysyna qarsy is-qımyl basqarmasynyń qyzmetkerleri Qostanaı oblysy boıynsha UQK Shekara qyzmetiniń qyzmetkerlerimen birlesip, Reseı azamatynan esirtki zattaryn tárkiledi. Ol marıhýanany Kinder shokoladyna jasyryp, shekaradan ótpekshi bolǵan.
«Reseıge qaraı shekarany kesip ótpek bolǵan jolaýshyny tekserý barysynda qyzmettik ıt esirtkiniń ıisin sezdi. Er adam ózimen birge tyıym salynǵan zattar bar ekenin moıyndady. Esirtki zattaryn qaıda jasyrǵanyn suraǵanymyzda, ol Kinder sıýrprız shokoladyn kórsetti. Onda shamamen 3 gr marıhýana boldy», dedi Qostanaı oblysy PD esirtki qylmysyna qarsy is-qımyl basqarmasynyń bastyǵy Nurjan Ahmetov.
Qazirgi ýaqytta eki bap boıynsha - QR QK 286 «Kontrabanda áreketi», sondaı-aq QR QK 296-baby «Esirtki quraldaryn saqtaý» boıynsha sotqa deıingi is júrgizý bastaldy. Tıisti saraptamalar taǵaıyndaldy, tergeý jumystary júrgizilip jatyr.
Karıma JUMAǴALI,
Qorqyt ata atyndaǵy Qyzylorda ýnıversıtetiniń stýdenti