Sońǵy jyldarda azyq-túlik qaýipsizdigi, jer sharyndaǵy klımattyq ózgeristerge oraı alańdap otyrǵan ǵalymdar qaýymdastyǵy adamzatqa ortaq máseleni sheshýdiń zamanýı ádis-tásilderin qoldanýdyń mańyzdylyǵyna mán berip keledi.
Qazaq ulttyq agrarlyq zertteý ýnıversıtetinde «QazUAZÝ agrokásipkerligindegi MBA baǵdarlamasy: syn-qaterler men keleshegine» arnalǵan dóńgelek ústelde elimizdiń agrokásipkerlik salasyn damytýmen qatar jastardy kásipkerliktiń negizderine baýlý, ınnovasııalyq tehnologııalardy paıdalana otyryp, agrobilim salasynda halyqaralyq yntymaqtastyqty damytý máseleleri talqylandy.
UǴA Vıse-prezıdenti, QazUAZÝ Basqarma tóraǵasy –rektor Aqylbek Kúrishbaev atalǵan oqý ornynda joǵary azyq-túlik qaýipsizdiginiń jahandyq problemalaryn zerdeleý jáne klımattyq ózgerister, ǵalamdyq syn-qaterlerdi sheshý úshin ınnovasııalar men ınnovasııalyq agrotehnologııalardy paıdalanýda júıeli jumystar atqarylyp jatqanyn atap ótti. Rektordyń aıtýynsha, ýnıversıtette ǵylymı-zertteý baǵyttary boıynsha halyqaralyq deńgeıdegi ınfraqurylymdar jolǵa qoıylǵan. Mysaly, agrotehnologııalyq hab aýyl sharýashylyǵy ónerkásiptik kesheninde úzdik ınnovasııalyq tehnologııalar men jańa bilimdi ıgerýde júıeli jumys istelip jatyr.
– Qazaqstan men Ortalyq Azııadaǵy agrarlyq jetekshi joǵary oqý oryndary úshin agroónerkásiptik keshenge bilikti kadrlar daıarlaý mańyzdy. Osy oraıda qazaqstandyq stýdentter jáne de álemniń kóptegen elinen kelip bilim alyp júrgen jastar da búgingi kúnniń syn-qaterlerine beıim ári onyń naqty sheshimin taba alatyn mamandar údesinen shyǵa bilýi kerek. Qazirgi kezde adamzatqa tóngen qaterlerdiń aldyn alýda ǵylymdaǵy ınnovasııalyq zertteýlerge mán berý ýaqyt talabynan týyndap otyr. Halyqaralyq yntymaqtastyqty damytýda álemdik jańa agrotehnologııalar men bilim berý baǵdarlamalaryn damytý basty orynda tur. Búginde ýnıversıtet – bilim berý baǵdarlamalaryn iske asyrý salasynda álemniń 100-den astam jetekshi ýnıversıtetterinen, ǵylymı ortalyqtarymen baılanys ornatyp, 15 halyqaralyq qaýymdastyq pen uıymnyń, onyń ishinde BUU Akademııalyq yqpal etý Baǵdarlamasynyń (UNAI) múshesi, – dep atap ótti Aqylbek Kúrishbaev.
Dóńgelek ústel jumysyna qatysqan Aýyl sharýashylyǵy mınıstrliginiń ókilderi, BUU-nyń Qazaqstandaǵy Aqparattyq keńsesiniń dırektory Vlastımıl Samek, BUU Qyzmetterdi qorǵaý jáne qaýipsizdik departamentiniń dırektory Djastın Rashıd, Eýropalyq Qaıta qurý jáne damý bankiniń dırektory, doktor Hýseın Ojan, Túrkııanyń Almaty qalasyndaǵy Konsýldyǵynyń bilim jónindegi attashesi Kıraz Mehmet, Qazaqstandaǵy AQSh, Fransııa, Germanııa Konsýldyǵynyń ókilderi, Coca-Cola, Efes Kazakhstan kompanııalary men bıznes qurylymdarynyń, joǵary oqý oryndarynyń basshylary jahandyq máselelerde sıfrlyq tehnologııalardyń mańyzy men stýdenttik óndiristik tájirıbe alańdaryn damytý yqpaldastyǵy tóńireginde oı órbitti.
Búginde halyqaralyq yntymaqtastyqty damytý baǵytynda jumys istep otyrǵan QazUAZÝ zerthanalary men ǵylymı zertteý ortalyqtary Qytaı agrarlyq ýnıversıtetimen, Henan aýylsharýashylyq ýnıversıtetimen tyǵyz baılanys ornatqan. Nátıjesinde, QazUAZÝ bazasynda Qazaq – Qytaı sý sharýashylyǵy úshin kadrlar daıarlaý jónindegi ortalyǵyn jáne Agroónerkásipti sıfrlandyrý ortalyǵyn qurý jónindegi kelisim jasalsa, ekojúıe men bıoalýantúrlilikti qorǵaý jónindegi Qazaqstan – Germanııa ınstıtýty qurylyp, «KaGEB» yntymaqtastyǵyna qol jetti. Sonymen qatar «Tashkent ırrıgasııa jáne aýyl sharýashylyǵyn mehanıkalandyrý ınjenerleri ınstıtýty» Ulttyq zertteý ýnıversıtetiniń sý sharýashylyǵy mamandaryn daıarlaý jónindegi fılıalyn ashý josparda bar. Osyǵan oraı «Sý sharýashylyǵy jáne melıorasııa» bakalavrıat, «Sý resýrstaryn keshendi paıdalaný jáne basqarý» magıstratýra jáne «Melıorasııa jáne sýarmaly eginshilik» doktorantýra deńgeıinde birlesken jańa ınnovasııalyq bilim berý baǵdarlamalary ázirlenip jatyr.
Ýnıversıtettiń «Bıznes jáne quqyq» Joǵary mektebiniń bazasynda Polsha, Nıderlandy, AQSh, Túrkııanyń bilikti oqytýshylarynyń qatysýmen MVA/EMVA baǵdarlamasy iske asyp keledi. Al halyqaralyq ekonomıka, bıznes, memelekettik basqarý salasynda EMVA, MVA baǵdarlamasy boıynsha mamandar daıarlaý joǵary suranysqa ıe. Master of Business Administration – Iskerlik Ákimshilik basqarý magıstri (MVA) – akademııalyq dárejesi kásibı basqarý salasynda joǵary bilim alǵan, dıplomy bar bilikti mamandarǵa beriledi.
Halyqaralyq yntymaqtastyqty ilgeriletýdi maqsat etken jıyn qatysýshylary, sonymen birge jańa formattaǵy mamandardy daıarlaý, ǵylym jáne óndiristiń ıntegrasııasyna qatysty týyndap otyrǵan máselelerdi sheshý, AО́K salasyna jańa baǵdarly mamandar daıarlaýdy usyndy.