4-6 tamyz kúnderi Majarstan bas shahary – Býdapeshtte dzıýdodan Masters sanatyndaǵy básekeniń jalaýy jelbireıdi. 2024 jylǵy Parıj Olımpıadasyna reıtıngtik upaı beretin jarysta el namysyn 14 balýan qorǵaıdy.
Masters týrnıri Olımpıada men álem chempıonatynan keıingi dzıýdoshylardyń bedeldi jarysy sanalady. Sondyqtan bul dodaǵa ár salmaqtyń eń úzdik 36 tatamı sheberi ǵana qatysa alady. Sonymen qatar munda ár salmaqta top jarǵan sportshy reıtıngte 1800 upaı oljalaıdy.
Býdapesht tatamıindegi erler arasyndaǵy básekede el quramasynan Eldos Smetov, Maǵjan Shamshadın, Nurqanat Serikbaev (60 kg), Ǵusman Qyrǵyzbaev (66 kg), Jansaı Smaǵulov, Danııar Shamshaev (73 kg), Abylaıhan Jubanazar (81 kg), Dıdar Hamza (90 kg), Nurlyhan Sharhan (100 kg) jáne Ǵalymjan Qyryqbaı (+100 kg) bas júlde úshin beldesedi.
Al áıelder saıysynda Ǵalııa Tynbaeva (48 kg), Arýna Jangeldına (78 kg), Kamıla Berliqash pen Aqerke Ramazanovanyń (+78 kg) ónerin tamashalaımyz. Majarstandaǵy týrnırde álemniń 56 elinen kelgen 422 dzıýdoshy kúsh synasady.