Sınoptıkter sársenbige, 2 tamyzǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimetinshe, elimizdiń basym bóliginde naızaǵaı oınap, jańbyr jaýady.
«Elimizdiń batysynda, soltústik-batysynda ǵana jaýyn-shashynsyz aýa raıy bolady dep boljanady. Respýblıkamyz boıynsha jel kúsheıip, daýyl turady. Soltústik óńirde túnde jáne tańerteń tuman túsedi, kúndiz daýyl turady, burshaq jaýady dep boljanady», delingen habarlamada.
Sondaı-aq sınoptıkter Almaty oblysynda kúndiz +40+...42°S deıin óte qatty ystyq bolatynyn boljady; Almaty, Jambyl, Túrkistan, Qyzylorda, Atyraý, Jetisý, Abaı, Mańǵystaý, Pavlodar, Ulytaý, Qostanaı, Aqtóbe, Batys Qazaqstan, Shyǵys Qazaqstan, Qaraǵandy oblystarynda kúndiz +35...+40°s deıin qatty ystyq bolady dep kútiledi.Boljamǵa sáıkes, joǵary órt qaýpi kelesi óńirlerde tirkelip otyr:
Aqmola, Soltústik Qazaqstan oblystary, Batys Qazaqstannyń ońtústigi men ortalyǵynda, Atyraý oblysynyń soltústiginde; tótenshe órt qaýpi – Mańǵystaý, Túrkistan, Almaty, Jambyl, ShQO, Qaraǵandy, Qyzylorda, Ulytaý, Jetisý, Abaı oblystary, Qostanaı, Aqtóbe óńirleriniń ońtústiginde, Atyraý oblysynyń batysy men shyǵysynda, Pavlodar oblysynyń ońtústigi men shyǵysynda, Aqmola oblysynyń ońtústigi men batysynda.