Anglııada parajúzýden álem chempıonaty ótip jatyr. Qazaqstan namysyn qorǵaýǵa attanǵan Nurdáýlet Jumaǵalı kúmis júldege ıe bolyp, jeńis tuǵyrynan kórindi, dep jazady Egemen.kz.
Qazaqstandyq parasportshy chempıonattyń fınalynda brass ádisimen júzýden 100 m qashyqtyqty 1:05.16 ýaqytta baǵyndyrdy. Belgilengen mejeni birinshi bolyp nemis sportshysy Engel Talıso 1:03.26 ýaqytymen baǵyndyrsa, úshinshi bolyp AQSh sportshysy Davıd Abrahams 1:05.55 ýaqytymen aıaqtady.
31 shildede bastalǵan parajúzýden álem chempıonaty 6 tamyzǵa deıin Anglııanyń Manchester qalasynda ótedi.
Jarysqa 67 memleketten 600-den astam sportshy qatysyp jatyr. Qazaqstan sapynan Nurdáýlet Jumaǵalı, Sııazbek Dalıev, Andreı Afanasev, Natalıa Zvıagınseva jáne Roman Potapov baqtaryn synaýǵa attandy.